Posted on

流產或人工受孕療程失敗後,如何重新掁作?

good things are coming

有 BB 唔係一件易事,有咗 BB 之後成功將佢生出嚟又係另一關。好多姐妹在經歷流產或者療程失敗後,深感震驚、失望和傷痛,不知如何面對。

我們綜合了幾位有相關經驗的姐妹如何釋放悲傷,放下過去嘅建議,希望可以幫助有同樣經歷嘅朋友早日走出傷痛,重新掁作。其中一位姐妹一共經歷七次人工受孕,兩次流產。 三年多後終於成功懷了雙胞胎 !

盡情地哭

失去BB,等於失去了一個親人,你太有權利傷心,太有權利哭了!「我永遠都會記得,自己大住個肚入院,兩手空空出院嘅感覺」一位姐妹這樣說。花了錢做人工受孕的,換來一場空,荷包受創以外最傷的是心理的煎熬,之前的期待、希望和信心,一下子化為烏有,你能不傷心嗎?

哭,有時是最好的治療。唔明白嘅人,會覺得點解需要唔開心咁耐。但這時候,唔駛理其他人點講點唸,盡情哭吧!哭到你覺得夠了,擦乾眼淚,這時候你已經好了一半。

揾人傾訴

傾訴係一種好有效的療傷方法。但要揾朋友訴苦可能唔係一件易事,因為冇生仔問題嘅人很難體會箇中感受,通常會得到一啲不痛不癢嘅「例牌式」安慰,傾咗等於冇傾。

你可以揾你的另一半傾,攤開肚皮,將自己內心最深處嘅感受講出來。其實男士嘅傷心和痛苦唔會比女士少,不過因為係男人所以要喺人前死撐!嚟個 pillow talk ,一齊面對,互相扶持,你會發現有好多得著!另外,用紙筆將自己的感覺寫下來,都係一種宣洩嘅方法。

雖然另一半和你一起經歷失敗,但你們的感受可能會有差異,因為佢始終冇試過BB喺肚入面嘅連結。一個曾經走過這條路的女人,就會完全明白你的感受。你可以去 facebook group 或者forum訴苦、或點擊這裡留個言,一定會得到很多溫暖的安慰,在你快走不下去的時候,有人伸手出來扶你一把。大家也可在這?留言將自己的經驗分享開去,造福其他人。

去個旅行 行開吓

做人阿媽真係他媽的咁辛苦,成日半夜起身,長期要抱,執周圍丟的東西、陪玩整飯餵食洗乜乜乜,連睡眠都唔夠唔好話去玩。所以要趁仲未有BB時多啲出去。流產或者療程失敗之後,就同老公去個旅行啦!! 拋開生BB、療程呢啲煩人嘅事,好好嘆吓,享受二人世界! 未有BB也有未有BB的幸福哩!

個天有嘢要同你講

個天可能係要藉著呢次失敗告訴你什麼事,也許它想你們再享受一點二人世界,等你準備好了,所有事情都準備好了,BB就會來了。幾乎所有經歷流產或者人工受孕療程失敗的姐妹都提到,事情發生之後佢哋夫妻嘅感情更堅固。

有一本書叫「媽媽,我記得你」。書嘅作者相信每一個小朋友都有胎內記憶,而且小朋友未出世之前係小天使,每一個小天使來到我哋身邊都有佢既使命。作者在書中講到「大部分小寶寶在平安出生、長大的過程中,會促使媽媽的靈魂成長。某些小寶寶則會透過「死亡」的重大打擊,給予我們更深入體會人生的機會。賭上生命傳達訊息的小寶寶,擁有堅強的靈魂。被他們選中的媽媽,也是能夠堅強承受打擊的人。」

BB離開,可能係想爸媽學識某啲嘢,令佢哋既人生更圓滿。所以BB未來,只係時候未到!

找出問題

你要令呢次經歷變成你日後成功的基礎。人有一種慣性,就係將注意力放在問題和失敗上 (problem /failure – focus),雖然理智上我地知道咁樣對自己毫無好處,但又難以自制。解決方法係當你發現你又諗緊「點解會搞成咁」、「點解會係我」嘅時候,你就意識到自己進入咗 problem focus mode。你要喺 60 秒之內將自己由 problem focus mode 變成 solution focus mode,例如預備出去做運動或者做一些養生料理令自己擁有更易受孕的體質,或者約家人朋友去玩吓食好嘢 (心情輕鬆更易受孕)等等…

一位一共經歷6次人工受孕失敗,第7次才成功的姐妹說,療程失敗後,醫生給你的原因可作參考,但未必能盡信,因為醫生很忙有很多病人,不可能陪你抽絲剝繭找問題。所以自己一定要像偵探一樣去查找問題的原因,和多上網參考別人的經驗。她說第6次試管失敗後,得到有類似經歷的貴人的指點,去做免疫檢查,才找出三年來不孕的罪魁禍首 – 免疫系統問題。所以第6次失敗對她來說其實是成功的轉捩點。

睇好書

「把妳生回來」一書是幾位姐妹都有提及的書。以下是封面上的簡介:

「有一種愛,很想念卻無法相見 ─

那是,媽媽來不及看見肚子裡的妳健康長大。有一種愛,很滿溢卻無法付出─

那是,媽媽好想要一個妳卻遲遲等不到。

這種愛,是最令人心疼,卻無聲在角落被忽略的愛……」

這本書給失去BB的父母完整的心靈支持,書中有講及母親、父親處於不同的角色如何面對和釋放悲傷,如何悼念寶寶,如何放下並向寶寶說再見,一直到嘗試再度懷孕,以及家人該如何幫助與支持哀痛的父母。作者訪問了許多失去寶寶的家庭,有第一次流產、習慣性流產、生下死胎、早產、寶寶死於併發症,還有一些是一直等不到寶寶來臨,可以看到許多不同家庭的遭遇。

如果大家知道其他好書,請點擊這裡多分享,也可以將好書轉贈其他人,透過我們也可以,造福他人!

結語

如果大家有更多振作的好方法,請留言多多貢獻,讓更多姐妹受惠。點樣都好,給自己足夠的時間療傷,重新獲得勇氣,等身心回復最佳狀態時,再出發! 上天安排每一件事,都有佢既原因。有一日你親手抱住BB時,一定會更珍惜,成為一個更好的媽媽!