Posted on

體重對你的受孕成功率有什麼影響?

healthy diet

 

無論你是男或女,過重或過輕都會降低你的受孕成功率。

我們身體內的脂肪組織係一個非常重要的內分泌器官,起著影響多種孕激素分泌的作用。過重或過輕都會導致內分泌失衡,影響女性月經週期和排卵的規律性,降低我們的生育能力。另外,過重也會增加流產、妊娠糖尿病和妊娠高血壓等風險。

過重的男士相比正常的男士會較常出現精子量少及活耀度低的問題,因為脂肪過多會直接降低男士體內的睾酮水平。

如何知道你的體重是否標準?

最簡單嘅方法係計一計你嘅體質指數 (Body Mass Index, BMI)

BMI = 體重 (kg) ÷ 身高(m) ²

標準: 19 - 24

過輕: <19

過重: 25 - 29

超重:> 29

點擊這裡使用BMI計算機 (只限英語) 

如果存在體重問題,就需要調整飲食量與食物結構,加強運動了!

 

資料來源:美國生殖醫學會

Posted on

想喝凍飲,又唔想傷身,有咩方法?

ice drink

夏天熱辣辣,好想食凍嘢消暑 … 但係人人都話女人食凍嘢好傷身,想生 BB 就要更加要戒因為對子宮唔好… 但真係好難忍喎,有冇啲兩全其美嘅方法呢?!!

哈!問啱人啦 … 接招~

要食就在陽氣最盛的中午時分食啦:中午,即係12 - 3 點嘅時候,係人體陽氣最盛嘅時間。所以全日最啱食凍嘢就係中午時分。即係話,食 lunch 嗰時 order 杯凍飲,係冇咁邪惡㗎!

唔好空肚食: 肚空空 “渣” 啲凍嘢落去刺激佢,梗喺冇咁好啦,會損傷體內的氣。所以要避免空肚飲凍飲。最理想就係喺飯後一個小時之後食,咁就可以避免喺短時間之內一冷一熱刺激腸胃喇!

食溫熱性食材製成的冰凍甜品: 天然、溫熱性食材製成的冰凍甜品係比較健康嘅選擇,可以中和冰的寒氣。

偏虛寒體質的人,可以選熱性、平性、糖分與澱粉比較高的食材製成的冰凍甜品/ 飲料,例如:荔枝、龍眼、桃、榴連、芒果、車利子、士多啤梨、木瓜、紅豆、芋頭等。另外,由於雪榚熱量高,所以比起雪條、刨冰會好一點。

避免用寒性食物製成的冰凍甜品,例如西瓜、西柚、梨、奇異果、火龍果、香蕉、蘆薈,再凍食就係寒上加寒啦。

食完凍野之後的補救對策

如果食完都仲擔心有不良影響,可以採取以下的補足方法:

1. 食生薑料理

生薑性溫、味辛,有發汗散寒的功用。食完凍野,最好嘅補救食材就係生薑,可以喝薑茶 (想知點煮,可點擊這裡),可點、或者煲冬瓜瘦肉薑湯,冬瓜屬性偏寒可利水,與薑中和後,不論寒熱體質的人都合適。不過食完凍野唔好即刻飲,因為短時間內一寒一熱太刺激仲唔好。

2. 熱敷腹部

如果腸胃容易唔舒服或有經痛問題,可以用暖水袋熱敷腹部15分鐘,有驅散寒邪嘅效果。

3. 按摩關元穴

可以活絡子宮的氣血,非常簡單,詳請按這裡

温馨小叮嚀

不過當你剛做完劇烈運動 (身體處於很熱的狀態),或者行經期間 (真正氣血兩虛!),就真係唔好食凍野啦,因為真係好傷身㗎!

 

參考資料:

台灣康健雜誌176期(2013.07.01)「真的很想吃冰該怎麼辦?」

(作者:黃惟伶,專訪台北市立聯合醫院仁愛院區中醫科主任陳朝宗;澄觀中醫診所醫師張文馨;品峰中醫診所醫師余雅雯)

Posted on

孕婦和正在準備懷孕的女性適合染髮嗎?

Print

香港唔少女士都有染髮的習慣,不過市面常用的染髮劑含有不少化學物,長期使用會對身體產生不良影響。對於孕婦和正在準備懷孕的女性來講,染髮劑裡面嘅化學物質可能會經由皮膚吸收,影響胎兒嘅健康發育。

注意事項

孕婦在懷孕初期 (1 - 3 個月) 應該避免進行染髮,因為染髮劑的化學成分可能會刺激尚未穩定的胎兒。另外,孕婦在懷孕後期由於血液循環較差,而在理髮店染髪需時甚長,長期坐在椅子上可能會影響血液循環和加刻腰背痛,所以也不建議在懷孕後期在理髮店進行染髮。

使用天然染料健康得多

散沫花 (又稱海靈草指甲花(Henna)),是一種天然的草本植物。其葉子曬乾再研成粉末後,可作為染料使用。印度及埃及人以散沫花 (又稱海靈草)塗手指甲、染髮、紋身,已有數千年歷史。一般染髮劑多數含有 PPD (Para-phenylenediamine 對苯二胺),作用是使顏色易於黏附於頭髮之上,但容易引致敏感反應。海靈草擁有與PPD相近的功能,可以幫助色素黏附於頭髮上。

另外,一般染髮劑含有阿摩尼亞(Ammonia) ,作用是將頭髮本身的顏色洗走以便上色。但阿摩尼亞有強烈而刺鼻的味道,吸入後容易令人產生反胃、頭暈等不適反應。一種替代選擇是Monoethanolamine,是一種弱鹼性化合物,與阿摩尼亞功能相近,但比阿摩尼亞温和得多。

雖然草本色素的選擇較少,染髮顏色的選擇因此也較少,但就健康很多。孕婦或備孕中的婦女可以考慮使用。

我們的線上商店有售散沫花(海靈草)草本萃取染髮劑感興趣,請點擊這裡了解詳情。

Posted on

平均要試多久才有BB呢?

how long will it take

 

通常啲人要試幾耐,試幾多次先至會有BB呢?對於已經試咗一段時間嘅朋友嚟講,呢個問題真係令人心癢癢牙癢癢⋯⋯為左解除大家嘅疑竇,我哋特登揾咗一啲資料俾大家參考⋯⋯

根據美國生殖醫學會嘅資料,一對正常而又正在準備懷孕嘅夫婦:

  • 有 20%-37% 會在 3 個月內成功

  • 有 75% 會在 6 個月內成功

  • 有 90% 會在 1 年內成功

  • 那些在第一年沒有成功懷孕嘅夫婦當中,有多達50%會在第 2 年成功懷孕

由於女士喺每一個月經週期可以成功懷孕嘅日子只有短短幾日,如果想快點成功,各位人夫同人妻就要操 fit 啲自己嘅身體 (身體健康,時刻係懷孕最佳狀態就梗係易啲有BB啦!),女士就要計吓自己嘅排卵期 ,係排卵期前後勤力啲做人啦。

本網站亦有各種助孕產品幫助大家偵測 受孕最佳時間增強懷孕狀態 (詳情請點擊這裡)預祝各位想生 BB 的朋友都早日成功!

 

參考資料:美國生殖醫學會實況單張 (2012修訂版)

 

Posted on

咖啡因對你的懷孕大計有幾大影響?

starbucks-coffee-18820575-500-376

 

我地個個都中意咖啡因,就算唔飲咖啡都好 ⋯⋯ 朱古力、可樂、茶都含有咖啡因⋯梗有一瓣中⋯

咖啡因之所以咁amazing,係因為佢係一種中樞神經興奮劑,亦係一種藥,唔少非處方嘅止痛藥都含有咖啡因。咖啡因除咗影響神經系統之外,亦會影響身體其他器官嘅運作,例如導致心跳加速,血壓上升,加速新陳代謝,促進泌尿等。

大部份研究都顯示攝入咖啡因會延長成功懷孕所需的時間。有研究甚至指出,每日飲用超過一杯咖啡嘅女士嘅懷孕機會率只有攝取少量咖啡因的女性嘅一半。另一項以進行體外受精療程的病人 (IVF, 俗稱「試管嬰兒」) 為研究對象嘅調查顯示,即使每日只飲用一般劑量 (50毫克) 的咖啡因,病人的成孕率也會有差異。另外,有科學家曾經對老鼠和猴子進行測試,結果顯示咖啡因會抑制卵母細胞成熟 (註:卵母細胞經分裂後形成卵子) 。大部分研究都指出,攝取的劑量越多,對成功懷孕嘅影響越大。

對孕婦而言,咖啡因會增加流產風險。一項研究指出,每日攝取超過200毫克咖啡因的孕婦的流產風險 (25.5%) 比起無攝入任何咖啡因的孕婦 (12.5%) 高出一陪。

研究當然有機會有誤差,亦受不同環境因素影響。不過既然咁多研究都話咖啡因對成功懷孕有不利嘅影響,大家如果想早啲成事,都係乖乖地飲少啲啦!

以下比大家參考一吓不同飲料/食物嘅咖啡因含量 (謹供參考,實際含量可能有出入):

飲料/食物大小 (安士)咖啡因含量 (毫克)
Starbucks Latte (Grande)16150
Starbucks Latte (Tall)1275
Red Bull 能量飲品8.376
即溶咖啡862
847
可樂1229
朱古力蛋榚825
黑朱古力1.5521
牛奶朱古力1.559
朱古力雪榚84
咖啡(去咖啡因)82

(資料來源: www.starbucks.com 2016; USDA National Nutrient Database for Standard Reference, 2008)

參考資料來源:

RESOLVE: The National Infertility Association (USA) 美國國家不育協會

Jensen, T.K. et al. (1998). Caffeine intake and fecundability: A follow-up study among 430 Danish couples planning their pregnancy. Reproductive Toxicology, 12, 289 – 95

Posted on

月經量少會影響懷孕的機會嗎?如何調理?

woman sleep

 

 

 

 

一般來講,月經量少係由於雌激素水平低或子宮發育不良引致。雌激素可以刺激子宮內膜變厚,為受孕做準備。如果未受孕,內膜就會脫落形成月經。雌激素水平過低會導致子宮內膜增生得唔夠厚,月經時出血少,有機會影響懷孕嘅機會率。不過,月經量也受遺傳、情緒等因素影響,未必一定同疾病有關。

月經流量幾多為之少?

  • 正常情況下女性嘅月經量應該在50 – 60毫升左右(每次月經會濕透3片日用衛生巾,再加上幾片護墊)。

  • 少於30毫升(一片日用衛生巾都濕不透)為之少。

月經量少嘅原因

  • 遺傳因素:有些人天生月經量就比較少。如果你月經量從來都唔多,而且近親都有同樣嘅情況,咁好可能係遺傳因素所致。事實上,有不少經血量少嘅女性都能夠自然懷孕。

  • 更年期:女性到咗45-55歲左右,卵巢開始老化,孕激素分泌會減少,影響子宮內膜週期性嘅增厚、剝落及出血,月經量會變得時多時少。

  • 壓力:情緒緊張、心理壓力大、睡眠不足/熬夜等,都有可能導致內分泌暫時性紊亂,令經血量增多或減少。只要壓力消失、作息回復規律,月經就會恢復正常。另外,長期口服避孕藥也有機會導致月經量減少。

  • 過瘦/營養不良: 有啲女仔為咗減肥而導致營養不足,體重過輕。如果食唔飽,身體會產生防禦性反應,降低血流量以彌補營養成分嘅不足。

  • 子宮內膜疾病/多囊卵巢綜合症: 曾經使用子宮環避孕,進行流產或子宮手術等,都有幾會損害子宮內膜,引起炎症。如果合併有盆腔疼痛,發燒,不正常陰道分泌物或出血等,就要多加留意。多囊卵巢綜合症患者也有機會出現經血量少嘅癥狀(點擊這裡了解更多囊卵巢綜合症的資料)。

月經量少飲食宜忌

宜多吃: 

  • 鐵質豐富、滋補效果較好嘅食物: 如牛奶、雞蛋、豆漿、菠菜、烏雞、羊肉、黑豆等。紅蘿蔔、西蘭花、蕃茄、海參、牛肉、豬潤等也有唔錯嘅補血功效!

  • 溫熱性的水果: 如荔枝、金橘、石榴、桃、車厘子、橙子等。平性的水果如蘋果、檸檬、葡萄亦可

宜少吃:

  • 寒性食品:任何冰品、寒性水果如西瓜、梨、柚子、椰子、柑、奇異果、火龍果、香蕉

  • 涼性食物: 如絲瓜、苦瓜、白蘿蔔、大白菜、蓮藕、黃瓜、冬瓜、綠豆芽、萵苣、通菜(如果要食就要加多啲薑絲/片一齊煮啦)

湯水推介

當歸紅棗雞蛋糖水

材料:當歸10克,紅棗5粒(去核),雞蛋1隻,冰糖適量。

做法:當歸和紅棗先用水浸10分鐘,雞蛋煮熟去殼。把當歸和紅棗放入鍋中,加適量水(約2碗),中火煮沸後轉細火煮20 – 25分鐘(至1碗水左右),最後加入雞蛋和冰糖調味即可。

功效:有養血活血、健脾益氣的功效。如果食完唔覺得燥熱,可以每日或隔日食一次。如果食咗覺得喉嚨痛,可以加一啲麥冬、蓮子、百合,可以養陰安神,防燥熱,對睡眠亦有幫助。月經期間不要食用。

海馬烏雞湯

材料:海馬10克,花生30克,烏雞400克,紅棗5粒(去核),生薑3片。

做法:烏雞洗淨,切塊,與洗淨的海馬、花生、生薑一同放入鍋,加適量清水,大火煮沸後轉細火煮1.5小時,最後加入鹽調味即成。

功效:有補肝腎,益氣血的功效。月經期間不要食用,陰虛火旺者不宜食用。

其他注意事項

月經期間女士要做好保暖工作,避免過度勞累,多飲水,避免激烈和長時間運動,注意休息,避免熬夜,唔好洗凍水澡,都有助調理月經。

Posted on

預防早產系列:研究指DHA降低早產風險

Mom & BB

 

 

 

Hello! 今日繼續我地嘅「預防早產系列」先!

美國肯薩斯大學醫療中心的一項研究發現,孕婦每日攝取較高劑量的DHA,有助降低早產風險。

呢項由Susan E. Carlson教授領導嘅研究,將350位孕婦分為兩組,其中一組每天服食三粒、每粒200毫克的DHA,另一組則服用安慰劑(註:指無任何療效的假藥)。結果發現服用DHA的一組,有少於1%的人於34週前誕下BB,而服用安慰劑的一組則有約5%的人在34週前誕下BB,貼近美國國內早產發生率的平均值。而早產BB出生後的住院日數,亦由40日減至少於9日。研究結果刊載於 American Journal of Clinical Nutrition。

有興趣嘅朋友可再點擊以下嘅連結睇吓美國霍士電視台嘅相關報導:

http://fox4kc.com/2013/05/07/kc-research-finds-fish-oil-may-reduce-very-premature-births/