Posted on

輸卵管阻塞可以自然懷孕嗎?

Fallopian-Tube-Blockage

 

 

 

輸卵管係兩根幼細的管,把卵巢和子宮腔連接在一起。當你嘅卵巢排出卵子之後,卵子會首先進入輸卵管,再慢慢沿住輸卵管游向子宮腔。

一般人都以為精子和卵子係喺子宮腔結合,其實係錯的。精子和卵子會喺輸卵管結合,成為受精卵,然後再游去子宮腔著牀。如果輸卵管有阻塞,精子就無法同卵子相遇。

如果輸卵管唔係完全閉塞,雖然卵子仍然有機會受精,但就會增加宮外孕嘅風險。因為受精卵移往子宮腔嘅過程有機會因為輸卵管局部阻塞而受到延誤,令受精卵被逼植入子宮腔以外的位置。(想知更多宮外孕的資料,可點擊這裡)

輸卵管阻塞有咩癥狀?

不幸地,輸卵管阻塞好多時都無明顯嘅癥狀。

如果係因為輸卵管積水而造成阻塞的話,患者可能會感到下腹疼痛和出現不尋常的陰道分泌物,但唔係每名患者都會有呢啲癥狀。

輸卵管阻塞由咩引起?

輸卵管阻塞嘅最常見原因係盆腔炎。盆腔炎係一種由性接觸傳播的疾病,但唔係所有盆腔炎都係由性接觸引起。盆腔炎患者喺康復後仍然會比一般人有較大風險出現輸卵管阻塞。

輸卵管阻塞嘅其他可能的原因包括:

  • 曾經感染性疾病,特別係衣原體或淋病

  • 曾經因為自然或人工流產引起宮腔感染

  • 有盲腸炎或宮外孕病史

  • 做過輸卵管或腹部相關的手術

  • 有子宮內膜異位症

點樣檢查輸卵管有冇阻塞?

輸卵管阻塞一般係透過X-光檢查確診 (稱為輸卵管造影)。

uterus

醫生會用一枝小管把顯影劑注入子宮頸,如果輸卵管係正常的話,X-光片可以看到顯影劑流入子宮、輸卵管,再灑出卵巢周圍並進入盆腔。如果顯影劑無流過輸卵管,即代表輸卵管有堵塞的問題。

不過,有約15%的女性會出現“假陽性”的測試結果,即顯影劑剛好停在子宮腔和輸卵管的交接點,沒有進入輸卵管。如果出現呢個情況,就要再重新做一次輸卵管造影檢查。

輸卵管阻塞有冇機會懷孕?

如果只有一邊輸卵管有阻塞,而另一邊是完全健康的話,你有機會可以在無需醫療輔助下自然懷孕。如果兩邊都有阻塞的話,也可以透過腹腔鏡手術令輸卵管重新開通。不過手術的成功率會因患者的年齡,嚴重程度而異。

如果阻塞的地方是接近輸卵管和子宮腔的交接點的話,這通常是功能性阻塞(如因黏液導致)而非結構性阻塞(如因疤痕組織引致)。這些患者手術後懷孕的成功率約有60%。

如果阻塞的位置是輸卵管的末端(近卵巢的一端)的話,患者在手術後懷孕的成功率約有20 – 30%。懷孕的機會率很大程度取決於有多大範圍的輸卵管需要切除(要切除的部分越少,懷孕成功的機會便越大)。

如果輸卵管嚴重阻塞而且有多重疤痕組織話,人工授孕可能會比做輸卵管手術更加適合。另外,輸卵管手術也會增加患者日後出現宮外孕嘅風險。

Leave a Reply

Your email address will not be published.