Posted on

護養子宮篇:經後補血天然食物 (超市買到!)

spinach
想生一個肥肥白白嘅BB,當然要擁有一個健康嘅子宮。經期結束後,子宮內膜剛完成剝落,有待修復,係最好嘅保養時機。

上次同大家介紹咗幾款經後補血湯飲 (詳情點擊這裡 ),我哋唔好比佢停!今日再講吓月經結束之後每個女孩子都可以食嘅補血食物,無錯,係每個女孩子都可以食,兼且全部都可以喺超市/ 街市買到㗎!

蔬菜類: 紅蘿蔔、菠菜、芥蘭、西蘭花、紅鳳菜 (又名補血菜)、冬菇、茄子、紫菜、海帶、髮菜、黑木耳(鐵質含量係菠菜的30倍,豬潤的4倍)、蕃茄

肉類:烏雞、海參、牛肉、豬潤 (不過如果膽固醇高就唔好食咁多豬潤啦~)

水果類:車利子、蘋果、提子、士多啤梨、藍莓、覆盆子、黑加倫子、蔓越莓 (又稱小红莓)

甜品/ 飲品類:紅豆沙、黑木耳露、提子汁、小红莓汁、蘋果汁

其實保養子宮唔止係想生 BB 嘅女仔的專利,中醫認為「氣血」係充沛活力的來源,而女孩子因為子宮嘅生育功能,每當經期來時正值氣血兩虛,如果缺乏保養好易令肌膚暗淡無光、免疫失調,所以我每個女仔都一定要善用各種食材養氣補血,咁先可以保護子宮維持亮麗美肌㗎!

 

 

參考資料:

美麗馨情 張文馨醫師的漢方美人書 (2/ 2012)

 

 

Leave a Reply

Your email address will not be published.