Posted on

經期過咗仲有下腹痛,小心係子宮內膜異位症!

157869226_XS

 

 

 

 

 

甚麼是子宮內膜異位?

受孕激素水平影響,女性嘅子宮內膜會出現週期性增厚,為受孕做準備。 正常情況下,子宮內膜生長於子宮腔?面,如果子宮內膜喺子宮腔以外嘅地方出現,就係子宮內膜異位。

點解會有子宮內膜異位?

如果無受孕,子宮內膜會脫落,形成經血經由陰道排出體外。但係有部份經血組織反而經由輸卵管逆流咗去卵巢、腹腔等嘅地方。呢啲組織會喺其他地方落地生根,好似子宮內膜咁隨住孕激素水平嘅變化增厚同剝落,但係異位組織冇通道排出體外,造成盆腔週圍組織黏連,所以非經期都會出現下腹疼。

有推論認為子宮內膜異位同免疫力低下有關。正常女性多少都會有經血倒流嘅情況,呢啲逆流嘅經血一般會俾身體嘅防禦機能 (白血球、淋巴細胞)吞噬同消滅,但係免疫力低嘅時候,異位組織就有機會存活在體內。

子宮內膜異位症點解會導致不孕?

子宮內膜異位症主要有兩種:

  • 朱古力瘤 (巧克力囊腫)

子宮內膜長在卵巢上會形成一個囊腫狀的東西,囊腫內陳年的經血為朱古力色,所以叫朱古力瘤。朱古力瘤會造成排卵受阻、經痛等。

  • 子宮腺肌症

子宮肌腺症的患者的子宮內膜通常四散在子宮的肌肉層各處,尤其以子宮後壁的肌肉層內最多見,有時候會集中在一處,形成類似一團腫瘤,影響正常懷孕。

子宮內膜異位有何癥狀?

  • 嚴重經痛,或月經前後日子小腹隱隱作痛

  • 月經來前點狀出血或月經量過多

  • 性交疼痛

  • 不孕

  • 大小便出血、甚至咳血

(部份病者可能沒有病癥)

如何診斷?

觸診、驗血、超音波掃描、腹腔鏡檢查等。

如何預防?

  • 婦科檢查:屬於高危族嘅朋友,例如自己或近親曾經有相關病史,應該定期進行婦科檢查。

  • 戒生冷凍飲: 中醫認為食冰品會造成寒凝胞宮,女士應該盡量避免飲凍飲,來經前一星期和來經期間盡量少食寒涼食品。

    • 寒性食品:任何冰品、寒性水果如西瓜、梨、柚子、椰子、柑、奇異果、火龍果、香蕉、魚生、蘆薈

    • 涼性食物: 如絲瓜、苦瓜、白蘿蔔、大白菜、蓮藕、黃瓜、冬瓜、綠豆芽、萵苣、通菜(如果要食就要加多啲薑絲/片一齊煮啦)

中西治療淺談

中醫觀點認為寒凝胞宮、情緒不佳、肝鬱氣滯、氣血不行,都有可能造成經血運行不?,形成「血瘀」。調理嘅主要原則係用辛温熱嘅藥材(如乾薑,桂枝、五靈枝)來温子宮,活血化瘀,促進血液循環,將異位內膜組織分化代謝。

西醫嘅治療方法主要有以下幾種:

  • 全子宮和雙側輸卵管,卵巢切除手術:通常用於唔準備懷孕嘅患者,和較嚴重嘅病例。

  • 其他外科手術:包括以激光、電烙等消除異位組織

  • 藥物治療:處方荷爾蒙藥物令子宮內膜組織萎縮,並減少不適的癥狀。

另外,很多患者在懷孕或閉經後也會自行痊癒。

Leave a Reply

Your email address will not be published.