Posted on

精索靜脈曲張 影響男士生育能力

men lower body

咩係精索靜脈曲張?

有些男士睾丸?面嘅靜脈嘅活瓣數量不足,或者出現功能障礙,令睾丸嘅血液循環唔暢順,血液停滯喺睾丸,就會形成靜脈曲張。

對男士有咩影響?

  • 對精子數目、形態和活躍度會有不良影響。

  • 睾丸長時間有血液滯留,會令睾丸嘅溫度上升,對睾丸和精子嘅健康造成損害。

有咩徵狀? 

  • 兩邊睾丸大小不對稱,通常是左邊睾丸較為脹大。

  • 較為脹大嘅睾丸表面滿佈軟腍腍像「一窩蟲」一般的組織(因為血液停滯在睾丸)。但當身體平躺時, 這「一窩蟲」卻會不見了(因為躺著時血液較易回流)。

  • 可能會有疼痛或拉扯嘅感覺,特別係喺夏天、運動期間或著鬆身褲嗰時。

有幾普遍?

每10位男士中約有2位會有精索靜脈曲張。

有啲咩治療方法?

  • 想生 BB 嘅男士假如懷疑自己患上精索靜脈曲張,就應該及早揾醫生檢查。醫生可能會建議進行手術治療。手術過程約為一小時,醫生會喺陰囊以上開一個小口,將腫脹的靜脈移除。病人可以即日或第二天出院,一星期後可以如常運動。

  • 無打算生 BB 嘅男士未必需要做手術。好多時佢地只要著緊身內褲,已經可以解決拉扯、疼痛等問題。

Leave a Reply

Your email address will not be published.