Posted on

第一胎開刀,喺咪第二胎都要開刀?

84770f_79fa070601574dce9b380793f7c80f61

 

 

 

 

 

 

第一胎開刀,第二胎想試下順產得唔得呢?

剖宮生產有兩種手術方式。要回答以上嘅問題,要先看看上次做哪一種。

子宮下段切口 (再懷孕子宮破裂風險低)

大部分媽媽都是在子宮下段開一個橫切口。如果當年採取呢種手術方式,再次懷孕時出現子宮破裂嘅風險只有1%-2%。因為子宮下段呢個位置比較特殊,佢嘅彈性非常好,擴張能力很強,即使拉到很薄都唔容易破裂。有醫生指出,佢地喺手術中曾經見到有啲媽媽嘅子宮下段已經薄到得番一層膜,羊水、胎兒都清晰可見,但係子宮壁都冇破裂。

如果第一胎係用呢種手術方式,第二胎可嘗試順產!

宮體上有直切口 (子宮破裂風險較高)

另一種手術方式叫做“古典式剖宮產”,即係子宮上有打直嘅切口,或者宮體上有直切口再加上子宮下段嘅橫向切口,即切口呈倒“T”形。如果媽媽有胎盤前置或其他特殊情況,醫生可能要採取呢種手術方式。如果第一胎係用呢種手術方式,再懷孕時發生子宮破裂嘅風險就相對較高,可以達到10%。

頭一胎開刀,再次懷孕嘅話有咩要注意?

無論第一胎係用邊種手術方式,再次懷孕的話媽媽都應該早啲揾醫生做產檢,產檢時要帶齊上次手術嘅詳細資料,幫助醫生進行評估。呢啲媽媽需要早啲做超聲波檢查,睇下胚胎嘅位置係唔係剛剛好喺上一次手術條疤痕嗰度,如果喺的話,咁孕期發生子宮破裂嘅風險就會增加。

子宮破裂風險較高嘅媽媽喺孕期要好好控制自己嘅體重同埋胎兒嘅大小,避免胎兒過大同羊水過多。整個孕期的產檢都要更加密切,必要時甚至要進行磁力共振檢查判斷子宮壁嘅厚薄。在懷孕後期需要提早入院,當胎兒成熟就要盡早開刀生產。一般來說,第二次手術嘅切口會避免同第一次手術嘅切口重疊,有利於傷口嘅癒合。

Leave a Reply

Your email address will not be published.