Posted on

夫婦儲埋一次過「愛愛」,反減受孕機會

Love Shines

唔少人為咗早啲 bingo 生B,試盡千方百計,有先生甚至實行禁慾一個月,等太太排卵嗰時儲埋一次過「愛愛」,諗住多啲「兵」,集中彈藥一擊即中…..

不過呢個諗法真係大錯特錯,因為長時間禁慾會影響精子質量。由於精子可生存72小時,卵子只能生存24小時,所以「恨生」夫婦最好2至3天「愛愛」一次。如果想生BB,男士最好唔好禁慾超過7天,否則精液裡面會充斥大量「老弱殘兵」,反而妨礙「造人大計」!

另外,「有仔趁嫩生」呢句說話唔單止適用於女性。好多人以為男性任何年齡都能夠生育,其實又係一個誤解。其實男士隨住年齡增長,精子質素同樣會下降,減低太太受孕嘅機會㗎!

 

Leave a Reply

Your email address will not be published.